lonely

im lonely in a new city and new work and new life

هم يضحك

فى اول يوم لى فى شقتى التى سلمتها لى الشركة التى اعمل بها انام وحيدا بعد جهد جهيد فى الرابعة صباحا فانا اساسا علاقتى بالنوم مقطوعة و خاصة اذا كان مكان نومى جديد و لكن بعد يوم سفر طويل و العديد من الانتقالات مابين اوتوبيس و تاكسى و ميكروباص و مترو انفاق فى القاهرة الساحرة و المتخمة بالزحام و البشر و بعد ان انهكنى السفر نمت و لكن ما حدث اننى سمعت صوتا بالشقة فرفعت راسى لانظر من الباب المفتوح ما هذا الصوت لاجد امامى رجلا ابيض الشعر و يرتدى جلباب ابيض و نظارة طبية ينظر الى ظللت افتح عيناى و اغلقهما فلا ادرى هل انا احلم او اتخيل او ما اذا كان هذا لص ام ماذا .
و لكنه طلب منى و بكل بساطة الا انزعج حيث ان هناك امانة فى الفريزر بالثلاجة و سوف يدخل ليستلمها ثم يخرج بسلام .
هكذا و بكل بساطة يطلب منى عدم الانزعاج قفزت من سريرى بسرعة البرق بعد ان اتخذت القرار اننى سوف الكمه فى انفه سريعا و احمله الى خارج الشقة ثم ازعج الجيران لكى يتصلوا بالشرطة و لكن بعد اقترابى منه اتضح انه رجل مسن جدا و اى حركة منى سوف يموت فورا و على ذلك توقفت امامه و سالته من انت و ماذا تريد فشرح لى الموضوع و انه موظف بالشركة و ان اخيه كان يقيم بالشقة من قبل و ترك لفة فى الفريزر ونساها و بعد كل ما سبق سرده اصبح عم محمد من احد اقرب الناس الى فى عملى الجديد و هو من فتح لى باب التعرف على العديد من الزملاء.

انا لله و انا اليه راجعون

اللهم الهم اهلها الصبر و السلوان

سخونة

مش عارف لقيت بيتين الشعر دول بيلحوا عليا اوى ليه قلت لازم اخرجهم و اكتبهم و اخلص نفسى و الالحاح ده دايما بييجى بعد قرائه الجرائد صباحا بحس كده انى نفسى اقولهم لاى حد انشالله القهوجى اللى بينزلى القهوه بس هوه ذنبه ايه و لا حتى هايفهم انا بقول ايه و حتى ان فهم هايستعبط عشان القهوه دايما بيبقى عليها مخبرين جايين ياخدوا الاصطباحه . مش عارف انا حاسس ان انا باخرف يمكن من الحر المهم ادى بيتين الشعر اللى هيجننونى و لو حد واقف معاه حاجة فى الكلام اللى فات ده ميسالنيش لانى مش عارف انا كتبته ليه .

المجتمع زى الرصيف

وسخ و لازم يتكنس

فيه ناس بتعرق ع الرغيف

و ناس بتعرق م التنس

الشاعر فؤاد قاعود

فى الجونة

الجونة منتجع سياحى يطل على شاطئ البحر الاحمر و منتجع الجونة مكان جميل رائع فظيع و رهيب طبعا لمتوسطى الحال يكاد يكون الذهاب الى الجنة اقرب من الذهاب الى الجونة و الجونة موضوع كبير يطول شرحه و غير كده فيه ناس كتير قرات عنه او سمعت او شافته فى التلفزيون. الشئ اللى شد انتباهى لمنتجع الجونة لما شفته فى التلفزيون و هى دى اهم حاجة انهم هناك مابياجروش عجل دول بياجروا طيارات شراعية يعنى الواحد لما كان بيروح راس البر كانت امنية حياته ان ابوه ياجرله عجله يلعب بيها نص ساعة و يرجع للراجل متاخر ربع ساعة على اساس انه مش لابس ساعة فميعرفش هوه اجرها امتى انما ااجر طيارة دى باى اللى حاجة مش متخيلها اصل اللى هياجر طيارة اكيد لابس ساعة و مش اى ساعة دى اكيد ساعة جامدة جدا بس معنى كده انى لما ااجر طيارة العب بيها شوية مش هاعرف ااقول للراجل اللى بياجر الطيارات ايه .وده الموقع بتاع الجونة يمكن حد نفسه يصيف هناك و عايز يعرف تفاصيل اكترhttp://www.elgouna.com/

بس امانة على اللى يروح الجونة يبقى يجيبلى شوية اى حاجة من هناك حتى لو شوية مية بحر .

فوبيا

و الفوبيا مرحلة متقدمة من الخوف المتواصل والشديد وغير المعقول من شيء أو موقف معين يؤدي إلى تجنب ذلك الشيء أو الموقف وقد يتضمن ذلك التجنب درجة من العجز

وتنتج الفوبيا بعد تجربة سلبية لأمر ما تنعكس على موقف الشخص من هذا الأمر والتشدد في عدم الخوض فيه مرة أخرى، ومثال على ذلك:خوف التواجد في الأماكن العالية – الأماكن المغلقة، الخوف الشديد من المرض- الألم- الظلام-الزحام-الحيوانات- العواصف وما يتبعها من رعد وبرق ...الخ

و انا الان و بكل بساطة عندى فوبيا و الفوبيا اللى عندى هى من انقطاع الانترنت او ما يسمى بالوصلات العشوائية و التى تفرغ الدكتور / طارق بك كامل لمحاربتها و الهجوم عليها و ما استتبع ذلك من تحجيم و تقليص مساحة الداونلوود ب 2 جيجا و منذ ان قرات هذا الخبر فى الجرائد و انا اصبحت عندى فوبيا و كل ما اقعد على النت اعمل داوونلوود لاى حاجة تيجى قدامى صور او كتب او اغانى و يتضح لى بعد ذلك ان كل ما حملته موجود قبل ذلك على الكمبيوتر او اننى لست فى حاجة اليه من اصله و اصبح الهارد ينوء بما يحمله من كميات من الملفات التى قمت بتخزينها فى انتظار اليوم الذى سيتم فيه حرمانى من الانترنت .

كلمة اخيرة للدكتور كامل ( اذا دعتك قدرتك او سلطتك على ظلم الناس فتذكر قدرة الله عليك)

و السلام